Assalamu'alaikum wa rahmatullah
Aroe dua blah lon grak phon sapa
Saleum ulon bri keu mula kalam
Lon buka nazam hikayat loen rika
Seulawet saleum keu Khairul anam
Junjungan alam makhluk semua
Keu Al Sahabat mandum sekalian
Keu Wareh nabi peutunyok hamba
Dengen Bismillah lon mula nazam
Pujoe keu tuhan ateuh karunia
Lon cuba rika khutbah janjongan
Bak haji wada' Rasul brie sabda
Neudenge beuget kalam dari lon
Lon neuk peu sampoe kalam rabbana
Mungken thoen ukeun ka hana lei lon
Nibak mauqif nyoe nyang lagei nyoe rupa
Kalam yang keu phoen wahe umat islam
Bek peuroe darah ureung tan dosa
Meu bek gata cue hareuta insan
Bandum nyang hareum tinggai di gata
Teuma keu dua peujioh nyang riba
Nyan buet ilanya waresan jahili
Ta peukarat goeb syetan peudaya
Ta mita harta ken yg meubudi
Nyang keu lhei teuma peutimang keuadilan
Nyankeuh hai insan tanda Agama
Buet meuroe darah
peugadeh rijang
Adat jahiliah ta gantoe sigra
Teuma yang keu peut syiar teu peutrang
Ajaran tauhid ken sembah berhala
Wasani ta tinggai bek meu gisa ulang
Haq beumumat beukeung batel ta bungka
Hak kewajiban keu limeng khutbah
Seusama muslimin ngen man seulingka
Lakoe ngen binoe peukeng amanah
Yang Allah peugah nyan ta keurija
Wahei mukminin ta peukeung ikhwah
Gata syedara lagei saboeh ma
Meu bek ta rebot yang ken haq gata
Selaen ngen cara syariat agama
Meu bek tagisa keu seumah berhala
Meu bek ta meu prang sare syedara
Beu get ta mumat ngen punca islam
Hadits ngen quran paham ulama
Wahei manusia ingat beuteuga
Nabi han le na ohleuh lon masa
Hana lei umat seuleupah gata
Rukon Agama peutunai
sempurna
Wahei manusia 'iklam lei gata
Allah ta'ala syit Tuhan sidroe
Asai bak Adam mandum manusia
Adam dari tanoh asai neu cipta
Ken ban ka arab ka leu fadhilah
Keu ureung 'ajam teuleubeh mulia
Syit ketaqwaan yang jeut keu pilah
Derajat bak Allah keu ureung takwa
Wasiet pusaka beu jroeh neubagi
Bek na meutaki bak bagi harta
Allah neu laknak ureung brok keji
Sajan ngen iblih dalam nuraka
Segala amai ngen kejahatan
Singeh di akhirat neu hisab teuma
Risalah Tuhan ka loen sempurnakan
Ya Allah saksikan " Faqad Ballaghtu "
Ohnoe meumada bacut khulasan
Bak minbar islam kalam lon baca
Beujeut faedah beu meutamah iman
Taufiq bak Tuhan si umu masa
Komentar
Posting Komentar